Deaivvadeamit

Vuosttaš deaivvadeapmi NetSam fierpmádagas

Per Sundnes

Per Sundnes doalái movttidahttin logaldallama

 

NetSam- sámi oahpahusa fierpmádat lágidii ovttas Sámi lohkanguovddážiin retorihkkakurssa ja seminára mas fáddán lei movt ovddidit sámi oahpahusa
juovlamánu 4. – 5.beaivvi 2014 Diehtosiiddas Guovdageainnus.

Retorihkkakursii serve 48 olbmo ja seminárii ges 45 olbmo. Goappaš beivviid streamejuvvui sihke kursa ja seminára, ja sáddejuvvui neahtas.

Mii sávvat ahte ledje guokte ávkkálaš beaivvi mas oahpaidet, beasaide vásáhusaid lonohallat ja hukset fierpmádaga. Ođđajagis álgit mii boahtte deaivvadeami plánet, jus dus leat jurdagat ja sávaldat kurssaide ja seminárii sáddes áinnas daid midjiide.

Sádde sávaldagaid dán čujuhussii : lohkanguovddas@samiskhs.no

 

Retorihkka kursa 012

Ánde Somby retorihkkakurssa logaldalli

Retorihkka kursa

Lei vuosttaš geardde go Ánde Somby doalai retorihkkakurssa sámi oahpaheddjiide heivehuvvon, nu ahte sii guđet serve kursii ledje mielde historjjálaš dáhpáhusas.  Ággan manne retorihkka lei válljejuvvon fáddán dán jagi lea go dat leat ođastuvvon sámegiella vuosttašgiellan oahppoplánain ođđa fáddá. Retorihkka lea okta gelbbolašvuođamihttomeriin maŋŋel 10. ceahki ja joatkkaskuvllas maŋŋel Joa2 ja Joa3 oahppoprográmmaid.

Jus it šaddán čuovvut kurssa, dás sáhttát dan geahčat: https://www.youtube.com/watch?v=iTGBUPnQ1fU

Ánde Somby lei ráhkadan spilla dán kursii. Dat lea speallu maid sáhttá Inventio oasis geavahit go galgá árvvoštallat ja suokkardallat buot beliid ovtta gažaldagas. Jus háliidat diehtit eanet Inventio birra, geahča kurssa dan youtube filmmas.

Joavkobargguin ožžo oasseváldit gažaldaga mas galge gávdnat vástádusaid, ja dasa geavahedje dán spealu. Loga buot joavkobarggu gažaldagaid mat ledje kurssas dás :  : Retorikkens innhold og gruppearbeid- Av Ande Somby

Speallu doaibma ná: Joavkkut ožžot gažaldaga dehe ášši maid galget suokkardallat. Juohke joavkkus lea bircu mainna birccustit. Birccus sáhttet omd. nu movt dás eallit govat, ja juohke eallis lea iežas rolla dehe bealli maid geahča ja galgá vástidit.Omd. jus dutnje boahtá ruškes guovža, de galggat fákta ja dieđuid gávdnat dán gažaldaga ektui. Nie joatká speallu ja boahtte oasseváldi birccusta. Geahča youtube filmmas buoret čilgehusa spellui. Speallu maid Ánde Somby lea hutkan dán fáddái, sáhttá dás viežžat:  Spill laget av Ande Somby

Terning til spillet av Ande Somby

Birccu maid sáhttá geavahit dakkár spellui. Dakkára sáhttá stoahkandiŋga rámbuvrris oastit.

 

 

Seminára maid neahtas

NetSam 110

Seminárii serve 45 olbmo ja dán seminárii leimmet  válljen guokte fáttá :

Vuosttáš fáddá lei sámegiela rámmát ja dan organiseren
Sámegiela oahpahusa organiseren lea iešguđetlágan ja máŋgga sajes lea dát stuora hástalusa. Dát čuohcá sámi ohppiide go skuvllain eai leat rámmat sájis, omd. earret eará eai leat oahpaheaddjit, oahpahus sirddašuvvo duohkot deike jna.
Dán olis leat mii bovden sin geain lea ovddasvástádus sámi oahpahussii: Sámedikki, Oahpahusdirektoráhtta, fylkkamánniid, fylkasuohkaniid, allaskuvllaid ja universitehtaid.
Mihttun das lea ahte šaddá eanet ovttasbargu ovddidit sámegiela oahpahusa. Vaikke ii boahtán makkárge konkrehta boađus dán oasis, de lei goitge dárbbaslaš álgit dakkáriin gosa čohket buohkaid.

Nubbi fáddá lei  movt sámegielfágá árvvu loktet
Statistihkkalogut čájehit ahte sámegielfágain njiedja ohppiidlohku gaskadásis ja bajitdásiin. Oahpaheddjiide lea ge de stuora bargun movttiidahttit ohppiid nu ahte sis šaddá hállu gazzat oahpu sámegielas. Sihke gávpogiin ja maiddái váldosámi guovlluin lea hástalus ohppiid movttidáhttit válljet sámegiela čállit ja lohka, go dávjá sii válljejit dárogiela jus fal besset.
Dasa leimmet mii bovden Per Sundnesa doallát movttiidahttin logaldallama movt sáhttá bargat dainna ahte loktet árvvu sámegielfágii, son váldá ovdamearkkaid iežas bargodilis. Son lea eanemus dovddus Norgga Melodi grand prix oktavuođas, muhto son lea ovdal maid bargan oahpaheaddjin ja geahččan movt nuoraidkultuvra ovdána ja movt dán ektui bargat.  Son válddi ovdamearkkan MGP vásáhusain ja dainnalagiin muitalii ahte buot lea vejolaš jus bidjá stuora mihtuid ja bargá daid guvlui.

Prográmma logat dás: Semináraprográmma 5.12

Seminára sáhttá neahttas geahččat: https://www.youtube.com/watch?v=5AjVWSToktk

 

 

Semináras lei dát hui dehálaš  ahte oahpaheaddji, skuvlajođiheaddjit/eaiggádat ja eará geat barget sámi oahpahusain besset deaivvadit. Sávvat lei ávkkálaš deaivvadit ja ahte čálistehpet jus dis leat jurdagat boahtte jagáš deaivvadeapmái.


 

Legg igjen en kommentar

Fyll inn i feltene under, eller klikk på et ikon for å logge inn:

WordPress.com-logo

Du kommenterer med bruk av din WordPress.com konto. Logg ut / Endre )

Twitter-bilde

Du kommenterer med bruk av din Twitter konto. Logg ut / Endre )

Facebookbilde

Du kommenterer med bruk av din Facebook konto. Logg ut / Endre )

Google+-bilde

Du kommenterer med bruk av din Google+ konto. Logg ut / Endre )

Kobler til %s