Sámi oahpahusa fierpmádat vuođđuduvvui sámegiel oahpaheddjiid konferánssas Málatvuomis 19.09.2013, maid Sámi lohkanguovddáš ja Tromssa sámeskuvla lágidedje.
Doppe válljejuvvui maiddái stivra.
Fierpmádat lea riikkaviidosaš fierpmádat mii galgá boahtit ávkin oahpaheddjiide geat oahpahit sámegiela.
Fierpmádagas leat dál badjel 200 miellahttu miehta sámi.
» Fierpmádaga ulbmil lea earet eará ovddidit ja ovdánahttit sámegielat oahpahusa gustovaš sámi oahppoplánaid mielde.»
Stuorámus bargu das ovddasguvlui stivrii lea oažžut fierpmádaga johttui ja doaibmat, ja maiddái oččodit bistevaš ruhtadeami dán dehálaš doibmii.
Earret eará áigu fierpmádat bargat:
- Oččodit gelbbolašvuođalokten kurssaid
- Diehtojuohkimiin
- Juogadit vásáhusaid
Sámediggi ja Sámi lohkanguovddáš leat ruhtadan fierpmádaga. Sámi lohkanguovddáš lea fierpmádaga čállingoddi.
Geat sáhttet searvat:
Buohkat geat barget sámi oahpahusain
- Oahpaheaddjit
- Skuvla-jođiheaddjit
- Institušuvnnat
- Studeanttat
- Earát
Lea nuvttá searvat fierpmádahkii, muhto oasseváldit fertejit dieđihit iežaset čállingoddái. Dieđit miellahttun dákko.
NetSam 