OAJVVADUS NJUOLGADUSAJDA

 

§ 1 Namma
Værmádagá namma l :

NetSam
– Sámegielåhpadusá værmádahka

NetSam
– Sámi oahpahusa fierpmádat

NetSam
– Viermievierhkie saemienlïerehtæmman

NetSam
– Nettverk for samiskopplæring


§ 2 Ulmme

Værmádagán le ulmme åvdedit ja åvddånahttet sámegielåhpadusáv dábálasj sáme oahppaplánaj milta ja sámegielaj oahppaplánaj milta Vuonan. Værmádahka galggá åvddånahttet, bærrájgåhtset ja aktisasjbargov ásadit máhtudagáj hárráj sáme åhpadusán/profesjåvnån. Værmádahka galggá aj doajmmat arenan sáme giellaåhpadusá diehto- ja åtsådallamlånudibmáj.

 

§ 3 Sebrulasjvuohta
Åhpadiddje, studenta ja skåvllåjådediddje, gudi barggi sámegielåhpadusájn, máhtti sæbrrat værmádahkaj. Institusjåvnå ja iehtjáda, gudi barggi sámegielåhpadusájn, máhtti aj siegen liehket værmádagán. Værmádagá sebrulasjvuohta le nåvku, valla oassálassti vierttiji tjáledit dåjmadagá baktu. Værmádahka ij mávse oassálasstij gålojt ma gulluji værmádagá oassálasstemij.

 

§ 4 Organiserim
Værmádagá dåjmadahka/bæjválasj doajmma biejaduvvá Sáme låhkåmguovdátjij. Nannitjit aktijvuodav værmádagán máhtti bájkálasj værmádagá ásaduvvat iesjguhtik dásijn, fágajn ja gielajn. Ásaduvvi aj værmádagá virggeguojmij gaskan, gudi barggi aktisasj hásstalusáj, gånnå máhttá oadtjot bagádallamav mentoris. Værmádaga arkijva, bievddegirje, ruhtalåhko ja rapporterim vuorkuduvvi Sáme låhkåmguovdátjin, gænna l åvdåsvásstádus værmádagá ruhtalågos. Dåjmadahka doajmmá ja vállji næhttatjoavddusav mij la hiebalgis værmádahkaj.

§ 5 Ruhtadibme
Aktisasjbarggoguojme juollodi rudájt værmádagá doajmmaj.

 

§ 6 Stivrrajuogos
Værmádahka jådeduvvá stivras, gånnå máhtti liehket gitta vihtta sebrulattja.
Stivrrajuohkusin la jådediddje, nubbenjådediddje ja stivrrasebrulattja. Sihke skåvllåæjgáda/jådediddje ja åhpadiddje bierriji liehket stivrrajuohkusin, ja stivrrajuohkusin bierriji liehket åvdåstiddje sihke nuortta-, julev-, ja oarjjelsáme guovlojs.
Stivrrajuohkusa sebrulattja ja persåvnålasj sadjásattja válljiduvvi dábálattjat 2 jahkáj. Válljimin bierri dættoduvvat jut ij ålles stivrrajuogos målsoduvá sæmmi ájge. Stivrrajuogos doajmmá aj válljimnammadussan. Værmádahka gåbttjå stivrrajuohkusa gålojt.

§ 7 Stivrrajuohkusa bargo
Stivrrajuogos galggá:
-giehtadallat ássjijt ma gulluji værmádagá doajmmaj,
ja jåhtuj biedjat dåjmajt ma máhtti åvddånahttet dan ulmev.

– værmádagá sebrulattjajs oadtjot árvvalusájt dárboj hárráj

– diedojt juohket, rapporterit ja tjuovvolit bargojt værmádagán

§ 8 Tjåhkanime
Juohkusa jådediddje gåhttju aktan dåjmadagájn stivrrajuogostjåhkanimijda ja jådet dajt. Jus jådediddje ij sebra tjåhkanibmáj, de nubbenjådediddje dav jådet. Gåhtjoduvvá tjåhkanimijda nav álu gå jådediddje/stivrrajuogos gávnat. Ásaduvvi ienemusát 4 stivrrajuogostjåhkanime jahkáj. Ålles stivrrajuogos ja sadjásattja æjvvali vuostásj tjåhkanimen juohkka válggagávdan.

§ 9 Dåjma
Værmádagán le jahkásasj tjåhkanibme. Ásaduvvá dalloj gå li kursa, seminára ja konferánsa. Værmádagá oassálasste máhtti ietja organiserit bájkálasj ja guovlo tjåhkanimijt dárboj milta. Værmádagán galggá liehket ietjas næhttabielle mij ájmon aneduvvá ja ådåstuhteduvvá. Næhttabielen galggi aj bájkálasj juohkusa ja nammadusá oadtjot máhttelisvuodav ietjasa diehtobielev adnet. Stivrrajuogos ásat barggoplánav válggagávddaj.

§ 10 Hiejttem
Værmádagá hiejttem máhttá dåssju mierreduvvat jahketjåhkanimen (dábálasj jali sierra), ja binnemusát 2/3 ieneplågujn jienastiddjijs registreridum sebrulattjajs. Hiejttemoajvvadus galggá diededuvvat gå jahketjåhkanibmáj gåhtjuduvvá.

§ 11 Njuolgadusá
Njuolgadusá mierreduvvi værmádagá álgadimtjåhkanimen. Gå njuolgadusá galggi mierreduvvat jali rievddaduvvat, de viertti mærrádusán liehket 2/3 ieneplåhko jienastiddjijs registreridum sebrulattjajs. Jahketjåhkanime gåhttjomin galggi njuolgadusáj rievddadamoajvvadusá boahtet åvddån værmádagá sebrulattjajda.

 

Pdf- fil: Oajvvadus njuolgadusajda

 

 

 

Legg igjen en kommentar

Fyll inn i feltene under, eller klikk på et ikon for å logge inn:

WordPress.com-logo

Du kommenterer med bruk av din WordPress.com konto. Logg ut / Endre )

Twitter-bilde

Du kommenterer med bruk av din Twitter konto. Logg ut / Endre )

Facebookbilde

Du kommenterer med bruk av din Facebook konto. Logg ut / Endre )

Google+-bilde

Du kommenterer med bruk av din Google+ konto. Logg ut / Endre )

Kobler til %s